આ બ્લૉગ શોધો

31 ડિસેમ્બર, 2012

Maja etle shu

મજા વિષે દરેક માણસનો વિચાર અલગ અલગ હોઈ શકે છે અને હોવું પણ જોઈયેજ .આજે વર્ષનો છેલ્લો દિવસ છે .આ ખરેખર તો આપણા માટે વિચારવાનો દિવસ છે કે આપણે આ આખા વર્ષ માં શું કર્યું ? આખા વર્ષમાં આપણે  કયા સારા અને કયા ખરાબ કાર્યો કર્યા .એક મહત્વનું વર્ષ પસાર થઇ ગયું .આપને જો એમાં કોઈ સારા કામ ના કાર્ય હોય તો દુખની વાત છે અને કોઈ એક પણ સારું કાર્ય કર્યું હોય તો ચોક્કસ આજે આપણે  મોજ મજા કરવી જોઈએ .મોજ મજા નો અર્થ એ નથી કે આપણે રાતભર મિત્રો સાથે ડાંસ કરીએ કે પછી એનાથી પણ થોડા આગળ વધી ને દારૂની મેહફીલ માં પેગ ઉપર પેગ મારતા રહીએ ...  એક નિસ્વાર્થ સાચું સ્મિત પણ કોઈને આનંદિત કરવા માટે પુરતું છે .અરે મિત્રો ને ના મળી શકો તો કઈ નહિ પણ sms કરીને એમને નવા વર્ષની શુભેચ્છા આપશો તોય એક અનેરા આનંદ ની અનુભૂતિ થશે .રેપ કરનારા મૂર્ખાઓને કોણ સમજાવે કે બળજબરીથી કોઈનો પ્રેમ મેળવી શકાતો નથી કે સમ -ભોગ નો આનંદ મેળવી શકાતો નથી .સાચો આનંદ તો સરખા ભાગે સુખ દુખ વહેંચવામાં છે .કુદરત નો નિયમ છે જેવું વાવ શો એવું લણશો .જેટલો આનંદ કોઈ ને આપશો એટલું પામશો . અરબ કવિ ખલીલ જિબ્રાને આજ વાત ને આ રીતે વ્યક્ત કરી છે .

અને તમે તમારા મન ને પૂછો છો  કે 

મજામાં સારી કઈ અને ખરાબ કઈ તે કેમ ઓળખવી ?

તમારા ખેતરો અને બગીચાઓમાં જાઓ .

તમે શીખશો કે ફૂલોમાંથી મધ ભેગું કરવામાં 

મધમાખીને મજા પડે છે ,

પણ તે સાથેજ , માખીને પોતાનું મધ આપવામાં 

ફૂલને ય મજા પડે છે .

કારણકે મધમાખને ફૂલ એ જીવનનો ઝરો છે ,

અને ફૂલને મધમાખ પ્રેમનો દૂત છે ,

અને મધમાખ તથા ફૂલ બંનેને એ મજાની આપલે 

જરૂરીયાત તેમજ લહાવો છે .

તમારી મજાઓની બાબતમાં ફૂલ અને 

મધમાખ જેવા થાઓ . 

મિત્રો , નવા વર્ષની હાર્દિક શુભેચ્છાઓ ......   

Jindagi ...... Jindagi

જર્મન કવિ કુર્ત બાર્ક ની પ્રસિદ્ધ કવિતા અહી રજુ કરું છું ..... જિંદગી વિષે જ છે 


હું માત્ર  તેને જ ચાહી શકું 

જેની તલાશ કરવા કાજે 

હું ખુદ સ્વતંત્ર હોઉં !

આ દેશ , આ નગર , આ સ્ત્રી , આ જિંદગી 

અને એટલેજ 

ઓછા લોકો ચાહી શકે છે 

પોતાના દેશને 

થોડાકજ 

કોઈ નગરને 

અને આંગળીના વેઢે ગણાય 

એટલાજ 

પોતાના પ્રિય જનોને 

પણ , આ બધા 

બધાજ લોકો ચાહે છે 

જિંદગીને !!

હા , જિંદગીને !!

29 ડિસેમ્બર, 2012

AAVKAARU CHHU MITRO.......

મિત્રો ,

સલામ ,નમસ્કાર ,ક્ષત્રીયકાલ ,ગૂડ ડે
મારા પ્રથમ  ગુજરાતી બ્લોગ માં આપ સૌનું સ્વાગત કરું છું।
 ઘણા સમય પહેલા લખેલ એક ગીત થી બ્લોગ ની શરૂઆત કરવા જઈ રહ્યો છું।આશા છે સૌને ગમશે।

જિંદગી .... જિંદગી .... તને શું કહીએ રે।

* નાં કોઈ દૂર છે નાં કોઈ પાસ છે 
  તો કોના કાજ ચાલી રહ્યા શ્વાસ છે 
  આત્માની અધુરી કોઈ પ્યાસ છે 
  આ જિંદગી  પોતે જ એક ત્રાસ છે 
 
જિંદગી ..... જિંદગી ... તને શું કહીએ રે।

* એજ ઉદાસી એજ  દુખ ચાર કોર છે 
  બેચેન આત્માઓમાં પણ શોર છે 
  અજબ છે આ જમાનો અજબ દોર છે 
  રણ માં નહિ દિલોમાં ઊગેલ થોર છે 

જિંદગી ... જિંદગી ... તને શું કહીએ રે।

*  નફરત કદી અમને તો ભાવી નહિ 
  મહોબત પણ કદી રાસ આવી નહિ 
  તડપતા રહ્યા જુદાઈ માં ઉમ્રભર 
  જીંદગી જીવતા અમને ફાવી નહિ 

જિંદગી  ..... જિંદગી  .... તને શું કહીએ રે।

* કોઈ હમદર્દ ની બધાને તલાશ છે 
  ઝાંઝવાના જળ જેવી આ આશ છે 
  દરેકના સ્કંધ પર ઈચ્છાની લાશ છે 
  જુઓ જિંદગી  કેટલી નિરાશ છે 

જિંદગી  ... જિંદગી  .... તને શું કહીએ રે।

* ક્યાં કોઈ ની આંખ માં હવે પ્યાર છે 
  ક્યાં હવે એ સ્નેહભર્યા વે'વાર છે 
  છે તો બસ મતલબ ના બધા યાર છે 
  સંબંધનો ખુલ્યો એક વેપાર છે

જીંદગી ...જિંદગી ... તને શું કહીએ રે।

* અશ્રુ થી તર ન હો એવા તો પાલવ નથી 
  કેફ છે ગમનો ભલેને આસવ નથી 
  ખુશીથી ચકચૂર કોઈ માનવ નથી 
  ઓ જિંદગી હવે તારા ઉત્સવ નથી
  જીંદગી ... જીંદગી .... તને શું કહીએ રે।


તમને આ રચના ગમી હોય તો કોમેન્ટ લખવાનું ચુકતા નહિ।

આભાર .

સઈદ શેખ